ہمارے بارے میں جانیے

حجازی مرکزِ تعمیرِ اُمت ایک تعلیمی، اصلاحی، تحقیقی اور سماجی نوعیت کا ادارہ ہے جو قرآن و سنت کی روشنی میں افراد، خاندانوں اور معاشرے کی فکری، اخلاقی اور عملی ترقی کے لیے کوشاں ہے۔ ہمارا پختہ یقین ہے کہ امتِ مسلمہ کی حقیقی نشاۃِ ثانیہ اور ترقی کا حصول صرف علم، ادب (کردار سازی) اور فن (مہارت) کے حسین امتزاج ہی سے ممکن ہے۔ ہمارا ماننا ہے کہ کردار اور اخلاق ہی علم کو مقصد اور مہارتوں کو حقیقی معنی و افادیت عطا کرتے ہیں۔

ہم اس تصور کو فروغ دینا چاہتے ہیں کہ علم محض معلومات کا مجموعہ نہیں، کردار محض رسمی آداب سے کہیں بڑھ کر ہے، اور فن محض تکنیکی مہارت تک محدود نہیں۔ علم، ادب (کردار سازی) اور فن (مہارت) تینوں ستون مل کر ہی متوازن، اصول پسند اور بااثر افراد کی تعمیر کر سکتے ہیں۔ جب علم کی رہنمائی کردار کے ذریعے ہو اور مہارتوں کو اخلاقی اقدار کی سمت دی جائے، تو لوگ اپنے لیے ہی نہیں ، بلکہ اپنی نسلوں کے لیے اور امتِ مسلمہ کے لیے باعثِ نفع بن سکتے ہیں۔

اس مقصد کے حصول کے لیے، حجازی مختلف النوع اقدامات میں مصروفِ عمل ہے، جن میں قرآنی تعلیم و تدبر، اسلامی تحقیق، تعلیمی رہنمائی، نوجوانوں کی ترقی، قیادت کی تربیت، خاندانی نظام کو مستحکم بنانا، سماجی بہبود اور مہارتوں کا فروغ شامل ہیں۔ ہم ایسے تعلیمی و تربیتی وسائل تیار کرنے کے لیے کوشاں ہیں جو ایمان کو فہم و بصیرت سے، علم کو عمل سے اور مہارت کو خدمتِ خلق سے مربوط کرتے ہیں۔

ہمارا مطمحِ نظر ایک ایسے معاشرے کی تشکیل میں اپنا کردار ادا کرنا ہے، جہاں قرآن کی رہنمائی، سنت کی حکمت، علم کی روشنی، کردار کی پاکیزگی اور کمال کی جستجو یکجا ہو کر افراد کی تعمیر اور معاشروں کی کایا پلٹنے کا باعث بنیں۔ ہمیں پختہ یقین ہے کہ امت کی نشاۃِ ثانیہ کا انحصار علم، کردار اور کمال کی متوازن آبیاری پر ہے۔

مطمحِ نظر

قرآن و سنت کی رہنمائی میں ایک باخبر، اصول پسند، ہنرمند اور پراعتماد امت کی آبیاری کرنا۔

ہدف

علم، کردار اور عمدگی پر مبنی تعلیمی، ترقیاتی اور سماجی نوعیت کے پائیدار اقدامات کے ذریعے افراد اور معاشرے کی ذہنی، اخلاقی اور عملی نشوونما کو فروغ دینا۔

نعرۂ تحریکی

علم، ادب (کردار سازی) اور فن (مہارت) کے ذریعے امت کی آبیاری

(علم • ادب • فن)